Google ADS

Genc Hamiti, “Ylli i Javës” në Superligën e Kosovës

11:47 | 21 Shkurt 2022
Lorik Gerbeshi

Federata e Futbollit e Kosovës së bashku me sponsorin e Superligës, Bankën Kombëtare Tregtare, vazhdojnë të ndajnë çmimin “YLLI I JAVËS”, për lojtarin më të mirë të xhiros.

“YLLI I JAVËS” për xhiron e 20-të në Superligën e Kosovës është shpallur futbollisti në radhët e KF Drenica, Genc Hamiti. Mesfushori ofanziv i kuqezinjve ishte lojtari më i mirë i ndeshjes në fitoren që skuadra e tij e realizoi si mysafire në stadiumin “18 Qershori” në Klinë kundër KF Dukagjini, me rezultat 1:2.

Ai asistoi në të dy golat për bashkëlojtarët e tij, derisa ishte mjaft kreativ gjatë tërë ndeshjes, duke qenë më i merituari që Drenica arkëtoi tri pikë të rëndësishme nga ky udhëtim.

Pas kësaj fitoreje Drenica stabilizohet në renditjen, pasi aktualisht ndodhet në pozitën e 5-të në Superligën e Kosovës me 27 pikë./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm